«Жаңа трендтегі озық технологияларды полиграфиялық оқу үрдісінде пайдалану»
30 қазанда Принтмедиа технологиялар колледжінде Жұмыс берушілер күніне орай «Жаңа трендтегі озық технологияларды полиграфиялық оқу үрдісінде пайдалану» атты дөңгелек үстел өтті, — деп хабарлайды photooner.kz.
Шара Алматы қаласының 2024-2025 оқу жылына арналған Жол картасы бойынша және оқу-әдістемелік бірлестіктің жұмыс жоспарына сәйкес жұмыс берушілер арасында «Жұмысшы мамандықтар-2025 жылына» арналған. Жиынды директордың ОӘЖ жөніндегі орынбасары М.Н.Сагандыкова модераторлық жасады. Дөңгелек үстел жұмысына Алматы қаласының Ірі және орта сериялы полиграфиялық кәсіпорындарының жұмыс берушілері («PrintStore» ЖШС директоры А.Жумагалиев , «Технология изображения» ЖШС директоры Е.А. Люц, т.б.) Қазақстанның жарнама мамандары қауымдастығының және Қазақстан Республикасының Баспагерлер, полиграфистер және кітап таратушылар қауымдастығының өкілдері қатысты.
Дөңгелек үстел барысында қатысушылар саланың дамуын, үздіксіз өсуін бірлесе отырып бағалап, алдағы болашақта Алматы қаласындағы баспа және полиграфия саласының мамандарына қажетті жаңа міндеттер, білім үрдістер алдағы технологиялар мен құзыреттерді айқындады.
«Принтмедиа технологиялар колледжі» КМҚК, дөңгелек үстел аясында Қазақстан Республикасының Ұлттық мемлекеттік кітап палатасы және Ғылым және жоғары білім министрлігі «Ғылым ордасы» Республикалық мемлекеттік кәсіпорынның ШЖҚ РМК өзара түсіністік пен ынтымақтастық бойынша 3-жақты келісімге қол қойылды.
