«Ауыл нақыштары» фотобайқауының жеңімпаздары марапатталды
27 қарашада «Ауыл» партиясы республикалық «Ауыл нақыштары» фотобайқауының қорытындысын шығарды. Бұл туралы photooner.kz хабарлайды.
Аталмыш байқау Қазақстанның дәстүрлерін сақтау мен насихаттауға, сондай-ақ фотожурналистика, мәдени алмасу және ауыл өмірінің оң имиджін қалыптастыруға маңызды үлес қосқан мәдени жоба болды.
Астанадағы «Хан Шатыр» сауда ойын-сауық орталығында фотобәйгенің жеңімпаздарын марапаттау рәсімі мен үздік жұмыстар көрмесінің ашылуы өтті. Іс-шара аясында биыл «Ауыл» партиясы Қазақстан Республикасының Мәдениет және ақпарат министрлігінің қолдауымен шығарған «Ауыл нақыштары» атты көркем фотоальбомның ресми таныстырылымы да ұйымдастырылды. Шараға «Ауыл» партиясының басшылығы, Қазақстан Республикасының белгілі мәдениет қайраткерлері, фотографтар мен өнер сүйер қауым қатысты.
«Ауыл» партиясының төрағасы Серік Егізбаевтың айтуынша: «Ауыл нақыштары» байқауы тек қана Қазақстанның дәстүрлерін сақтау мен насихаттау үшін маңызды шара ғана емес, сонымен қатар фотосурет өнерін ілгерілету үшін қуатты құрал. Жыл сайын байқауға қатысушылар саны артып, бізге ауылдық өмірдің сұлулығы мен ерекшелігін көрсетуге мүмкіндік береді. Бұл біздің еліміздің табиғатын, мәдениетін ғана емес, ауылдың тереңінен еңбек етіп жүрген адамдардың лайықты жұмыстарын да әлемге көрсетуіміздің мүмкіндігі».
Биылғы байқауға Қазақстанның 20 өңірінен 678 қатысушы қатысты. Жалпы 3366 фотосурет ұсынылды, олардың ішінде туған өлкенің көпқырлы және жарқын өмірі, табиғаты, адамдары мен мәдениеті көрсетілген. Байқау бірнеше номинация бойынша өткізілді, олар: «Ауыл пейзаждары», «Еңбек адамының фотопортреті», «Фоторепортаж». Осы жылы алғаш рет «Ауылдағы бақытты балалық» жаңа номинациясы енгізілді, ол ауылда өскен балалық шақтың қуанышы мен еркіндігін қамтыған маңызды тақырыпты қозғады.
Арнайы назар «Көрермендер көзайымы» номинациясына бөлінді, оның аясында әлеуметтік желі қолданушылары ең ұнаған фотосуретті таңдай алды. Telegram чатында ұсынылған 10 финалисттен дауыс беру арқылы жеңімпаз анықталды. Бұл номинация байқаудың маңызды бөлігіне айналды, себебі әрбір қатысушыға дауыс беру мүмкіндігі беріліп, сүйікті авторларын қолдауға мүмкіндік туды.
«Біздің үшін әрбір жұмыстың маңызы зор, өйткені олар арқылы біз авторлардың тек шығармашылығын ғана емес, туған жерге деген сүйіспеншілігін, дәстүрлер мен еңбек адамына деген құрметін көреміз. Біз осындай жобалардың Қазақстан мәдениетінің барлық байлығын және алуан түрлілігін сақтауға және болашақ ұрпаққа жеткізуге көмектесетініне сенімдіміз», — деді С.Р. Егізбаев.
Байқаудың жеңімпаздары сертификаттар мен бағалы сыйлықтармен марапатталды, байқаудың жалпы жүлде қоры 3 900 000 теңгені құрады.
«Ауыл нақыштары» республикалық фотобайқауының жеңімпаздары:
Бас Жүлде – Максат Шағырбаев (Шымкент)
«Ауыл пейзаждары» номинациясы:
1 орын – Досжан Балабекұлы (Алматы)
2 орын – Мейірбек Тажкуранов (Батыс Қазақстан облысы)
3 орын – Ерлан Омаров (Астана)
«Еңбек адамының фотопортреті» номинациясы:
1 орын – Ержан Нұрпеисов (Атырау облысы)
2 орын – Тлеубек Шаяхмет (Шығыс Қазақстан облысы)
3 орын – Қайсар Шерімов (Шымкент)
«Фоторепортаж» номинациясы:
1 орын – Мейірбек Тажкуранов (Батыс Қазақстан облысы)
2 орын – Ерлан Омаров (Астана)
3 орын – Азамат Хусаинов (Алматы)
«Ауылдағы бақытты балалық» номинациясының жеңімпазы – Мират Қоржынбаев (Батыс Қазақстан облысы)
«Көрермендер көзайымы» номинациясының жеңімпазы – Маркс Қалқаманов (Атырау облысы)
Фото: Елтай Елнұр
